Ieu kaca geus divalidasi
- Ari perkawis éta mah
Nya sumangga dihukum Andaya Sasih
Nanging mangké geus ngajuru
Orokna sing medal heula
Sabab éta bising anak kuring éstu
Hayang terang dirupana
Najan enya anak kuring - Mun awéwé ditelasan
Lalaki gé mun goréng mah dipeuncit
Geus tangtu dibunuh
Sabab reuneuh menang jinah
Ayeuna mah manawi rujuk jeung sepuh
Badé ditikah baé heula
Ayeuna putra dikawin - Kitu raja ngadawuhna
Purba Lintang pihaturna semu ajrih
Ngabdi mangga kaulanun
Ku raja badé ditikah
Nanging kersa raja sumpah ka Nu Agung
Boh bilih cidra ka ama
Teu pegat Andaya Sasih
Kamaklum ku jisim kuring
VI. Pupuh Pungkur
- Sang raja Rum imut bari ngadawuh
Sumpah ogé hadé nyai
