Ieu kaca geus divalidasi
- Narajang Ratna Kombala
Ti lubur nya ger nampiling
Raja Yoman malikan
Ka Ratna Kombala deui
Sodok moro Gentera Sari
Nampiling deui ti pungkur
Balad Erum ger nyurakan
Nu geus paéh hirup deui
Sabab ratu ngagem jimat kahuripan - Nya éta Tirta Bulayat
Balad kabéh hirup deui
Ratu salawé nagara
Patih mantri pada lilir
Ngan balad raja Yoman
Nu paéh patumpuk-tumpuk
Anu hirup pada lumpat
Pada gigis dicambeti
Balad Erum nénjo putri dua perang
Angin tarik-tarik teuing
Jeung bauna saleuheung kagebos kawah