Ieu kaca geus divalidasi
- Jeung rabul nu pupundut deui
Sangu kopi ti sakabéh pangkat
Nu badé tuang ngabawis
Lajeng tuang para ratu
Ari istri pada istri
Gentera sari jeung Kombala
Sareng ibu ratu
Mayang Erum Ratna Wulan
Barang tuang ari sang raja Yoman
Luak lieuk tatanggahan - Jeung ngahuap sagala téh emih
Puguh sangu lauk eujeung lalab
Nyah dibaheuman baé
Yoman taya embung
Atah asak teu ditampik
Naon nu deukeut didahar
Ulung gé ditekuk
Dihuapkeun ngan sakétap
Duméh repek rusuh
Ari parantos munjungan
Sami caralik mando payuneun gusti
Emban mangku pramasangan
