Ieu kaca geus divalidasi
- Tadina mah piker engkang nyai
Mayang Erum éta sina mulang
Engkang lain henteu cocog
Ngan inggis nyai teu rujuk
Engkang lamun kawin deui
Kitu dawuhan sang raja
Gentera Sari imut
Ratna Kombala kamahan
Dawuh raka pangkituna raja rumi
Sieuneun ku Ratna Wulan - Nata deui hatur bari seuri
Ku kuring mah gambang papariksa
Sareng Gentera Sari ogé
Mawi nyai putri dibantun
Disanggakeun ku sim kuring
Sim kuring pan terang pisan
Engkang geus kamaphum
Leir seuseuneueun ku Ratna Wulan
Geus kajudi ku sang putri putri Gentera Sari
Ayeuna geus terang pisan