Ieu kaca geus divalidasi
- Geus wengi seug raja Erum
Kersana sa tunggal resmi
Analoyang di padaleman
Pangantén jeung Gentera Sari
Ngalih ka Ratna Kombala
Geus ti dinya ngalih deui - Ka dén Ratna Wulan Ayu
Ti dinya pék ngalih deui
Ka Néng Erum anu anyar
Raja Ruum teu pilih kasih
Atawa sabulan séwang
Ari putri Gentera Sari - Jeung Ratna Kombala ratu
Giliran sumping pribadi
Sabab di pulo Sala tetegna
Tetegna nu dua putri
Henteu dicatur gilana
Raja Rum caturkeun deui
Geus tiiseun di nagara
Waktuna geus burit deui