Ieu kaca geus divalidasi
- Kapalang diajar lagu
Geus henteu nyarios karugi
Turta ngararaga minyak
Taya kagableg sim kuring
Nyiru gedé pamoéan
Nu terang kuring musapir - Kebo alas saba gunung
Mendak-mendak aya patih
Méong congkok saba goah
Cing kuring atuh paparin
Piring leutik wadah uyah
Puguh isina mah kuring - Leresna ka petok bengkung
Mawi diajar ngagurit
Dempet bilik dipakuan
Rada kapépéd sim kuring
Henteu rasa ku bakal hilang
Ngan dunya anu dilingling
Saban wengi mudu langlang
Mulang sok enggeus dipaling