Ieu kaca geus divalidasi
- Ari Nini mah jeung Aki
Ceurik sotéh suka duka
Sukana ningal nu kasép
Dukana ku lalawora
Tadina basa nyiraman
Ngagolér dina palupuh
Ngan sakitu kareuwasna - Anu kasep taya tanding
Kadi Dewa kama Jaya
Lengkeh ngalemperéng konéng
Ménak lenjang ngalempayat
Nu kasép Jaka Mursada
Alus bangun lungguh tumpuh
Henteu bosen anu ningali
Pada nyuuh ceurik ramé
Ari éta badégana
Ceurik éling ka ibu
Rarayna ampir sapatut
Tapi teu ngomong harita
