Kaca:Wawacan Seca Nala - Raden Hadji Moehamad Moesa.pdf/26

24

istri, éta kitoe noe sajaktos.
48⁠Taja děi noe hadé djaba ti roentoet, lěwih tina djampé matih, djampé mah ngan woengkoel tjatoer, modalna noe ngagiringsing, soepaja měnang poporot.
49⁠Réja djalma, noe dagang djampé djěng doejoeng, tjatoerna matak soegih, koe akal hantě katimoe, moen enja gé matak soegih, měrěn manéhna gěs rébo.
50⁠Hantě koedoe ngarah paměli ti batoer, lamoen enja matak soegih, koe manéhna baé poendjoeng, hiroep koedoe taki-taki, nja éta bisi kagěl̅o.
51⁠Ki soedagar njaoer dăi bari imoet. kakang pěrtjantěn téh těing, kasaoeran adi kitoe, tapi kakara kaharti, ari tadinamah ngésto.
52⁠Sajaktosna kakang téh rěm̅ěn goegoeroe, djampé dagang rědjěng tani, tatapi sakabéh loepoet, dagang tani hantě djadi, poerwana kakang méh potol.
53⁠Ajěna mah oelah kapalang ngawoeroek, kakang soeměd̅ja ngamoerid, oelah katanggoen̅gan lakoe, da adimah ěnggěs boekti, moekti koe kakang katéndjo.
54⁠Sětjanala ngawalon pokna soemoehoen, salahir̅an gěs kakoeping, nan̅ging soemoehoen běběndoe, koering tě gadoeh pan̅garti, roemaos pinoeh koe bodo.