Kaca:Wawacan Seca Nala - Raden Hadji Moehamad Moesa.pdf/32

30

68⁠Sarěng aja hidji děi, ngaran̅a ki Wirasraja, toenggal sobat koering kénéh, běngharna asal toeroen̅an, poesaka ti kolotna, parěng dina hidji waktoe, doewanana lěmpang dagang.
69⁠Mawa barang ěntjit batik, noe katanggoeh bakal gantjang, tapi doewa soedagar téh, Kartadanoe Wirasraja sédjén pisan sědjana, ari lampah Kartadanoe, saetik ngarah batina.
70⁠Wirasraja lain déi, gěd̅é pisan pang̅arahna, djadi sabab éta géséh, laris Kartadanoe téja, toeloej ki Wirasraja, ngadjak ka ki Kartadanoe, ngoenggahkěn harga dagang̅an.
71⁠Soepaja djadi sakait, pada galěd̅é oentoengna, ki Kartadanoe ngawalon, adi gěs mědjěhna pisan, harga dagan̅gan kakang, patoet adi anoe toeroen, ngoedag ka pangdjoewal kakang.
72⁠Wirasraja némbal sěng̅it, kami tě rék ngamoemoerah, hantě lakoe didijě gé di bawa kamana mana, bari gé hantě soesah, lain barang běnang ngandjoek, istoening banda soran̅gan.
73⁠Ki kartadanoe mah sěri, hantě ngalawan paséja, ngawangsoelna ajěm baé, pokna adi koema karsa, kakang