Kaca:Wawacan Seca Nala - Raden Hadji Moehamad Moesa.pdf/36

34

80⁠Lampahna dagang djěng tani, gěs pirang-pirang bandana, karěs̅ěpna tampa gadé, di arah datang ka poerna, oepama di indjěm̅an, tapi tě rék méré oentoeng, kalijěs pokna tě boga.

81⁠Sanadjan doeloer pribadi, ana tě djangdji ngoentoeng̅an, saoewang gé tě di béré, pokna poetoes koe tě boga, ana dipaksa-paksa, koe doeloer di pénta toeloeng, radjěn ngindjěmkěn tagih̅an.

82⁠Lampahna ki Djajakarti, minangkana panghadéna, méré anak tjaoe baé, pokna batoer kami sidkah, soegan arék marělak, tah kop méré anak tjaoe, di kěb̅oen gěra toegar̅an.

83⁠Sakitoe gé Djajakarti, rasana gěs hadé pisan, moenggah tě wěléh miomong tjarita ka tatanggana, tadi kami gěs amal, méré anak-anak tjaoe, ka batoer si anoe téja.

84⁠Taja noe ngékrék noe pěl̅it, anoe ngoengkoelan ka éta, mikir kaoentoeng̅an baé, djěng tara ngakoe ka sémah, ana taja tanggoehna, éta bakal mawa oentoeng, kaoentoeng̅an ka dirina.

85⁠Mashoer djadi biwir hidji, jén éta kitoe lampahna, tatanggana mariomong, tatjan aja hidji djalma, ngarasa di soegoeh̅an, pinarěng aja tatamoe, datang ti nagara lijan.