Kaca:Wawacan Seca Nala - Raden Hadji Moehamad Moesa.pdf/42

40

97⁠Pikirna ki Djajakarti, hantě poho ka bawangna, bakal boga oentoeng gěd̅é, sanggěsna madang pok nanja, sarta hadé basana, sampéjan sabraha pikoel, nja ngagalěh bawang bodas.
98⁠Gěs éntép běnang ngadatjin, kari noeroenken ti para, ki Goenasabda ngawalon. prakawis éta téh bawang, kawoela hantě ngarah, ngan ngomong sotéh sakitoe. saoekoer hajang oenin̅ga.
99⁠Djěng kintěn oentoeng téh těing, lamoen lakoe lima wěllas, batina méh moetoeng baé, sabab paměli andika, bédjana opat roepija, ki Djajakarti djaměd̅oed, tě njana kitoe toengtoengna.
100⁠Ki Goenasabda gěs indit, sěri sadjroning pikirna, barěng gěs něp̅i ka balé, anoe di andjrěk̅an téja, ramé, pada naranja, doeméhna měnang soesoegoeh, sampéjan téh kawénéh̅an.
101⁠Ki Goenasabda téh sěri, pokná lain kawénéh̅an; gěs kitoe watěkna baé, djalma pěl̅it noe pibanda, koedoe di bibitaän, koe noe bakal aja oentoeng, kana dirina sorang̅an.
102⁠Noe matak si Djajakarti, daék̅én katotombok̅an, pikirna pamikat baé, soepaja lakoe bawangna, éta kitoe pět̅ana, noe korét daék̅én njoegoeh, koedoe gěs témbong manisna.