Ieu kaca geus divalidasi
10
kongas ka tatangga lěmboer, soegih doenja barana, ēmas pérak rénténg saléndro djeng děgoeng, pakarang tjara di ménak, di kěsik di kikis ngelir.
- Těngah pakoewon mandapa, děkét lawang papanggoeñgán ngahapit, ěnggon saléndro djěng dégoeng, ngaran mas Partasana, gěrěhana gělis sarta ampoeh loenggeh, njimas adjěng Doeradijah, poetrana wadana moekti.
- Loeloes roentuet djěng gěrěha, di poendjoelkěn di nagara Kediri, mas Partasana katjatoer, noe matak djadi benghar, asal tina ngamasan kaliwat ampoeh, tina radjin djếng wěkělna, kontjara kamana měndi.
- Saé padamělañana, rědjěng tara pisan ngowahan djinis, tara nipoe tara malsoe, djadi koe sabab éta, katorodjog noe ngéngkén ti oenggal lěmboer, malah ti Solo ti Jogja, datang ngéngkén ka Kědiri.
- Katjatoer mas Partasana, gěs kagoeñgan hidji poetra lalaki, kalangkoeng langkoeng di goenggoeng, tina da-dasar běnghar, kanté aja kakoerang ěkěr ngagoenggoeng, djadi kaliwat mědjěhna, asihna katjida těing.
- Di antěp sakahajangna, hantě pisan di poengpang djẽng di se ñgit, sakarěp-karěp di ladjoer, di djoedjoer di añgoñan, ěnggěs