Ieu kaca geus divalidasi
40
paranti, tapi moenggoeh Kěrtasana, djěng si Krama kitoe děi, raripoehěn téh těing, sěmoena moeroe koesoenoe, wantoening noe moemoelan, kana pagewéjan djěrih, Kertasana badami ngadjakan minggat.
- Hidji pěting kaběñěran, poelisi koerang tjaringtjing, Kěrtasana djěng si Krama, doewaän toeloej arindit, ngadjoegdjoeg ka pasisir, soegan parěng manggih prahoe, sědja měntas ka djawa, gěs loenta ti kota nagri, soep ka lěwěng lěmpang kaliwat balangsak.
- Djěng tě mawa běběkělan, hantě kédjo hantě wadjit, hantě goela-goela atjan, istoening lengoh téh těing, ari njatoemah běki, rěwog hantě paja nganggoer, tina hakañěn taja, kadjaba ti akar kai, rědjěng poetjoek noe di hakan koe doewaän.
- Karana di lěwěng Bandjar, djěng di Djawa sédjén děi, taja pisan boeboewahan , taja noe pělěm noe amis, doewanana tjarěrik, katambah rědjěng kasaroeng, lělěs tjapé těnangan, oelat pijas tjara majit, langlajěsěn hantě manggih kahakanan.
- Toeloej prok djěng oerang Dajak, limaän pada lalaki, těgěs oerang boemi Bandjar, pada mawa paloe běsi, karěpna
