Ieu kaca geus divalidasi
42
taja děi, ka djaba rék něktěk hoeloe, lain rék ngarah banda, ngan woengkoel rék ngarah pati, mawa hoeloe kěr némbongkěn kagagahan.
- Gěs adatna oerang dinja, djadi tandana lalaki, lamoen hantě mawa sirah, ngalamar gé sokdi tampik, kakara měnang kawin, koedoe gěs ngadjing-djing hoeloe, barang rét néndjo djalma, doewaän pating koeriling, dajak lima paboeroe-boeroe morowan.
- Kěrtasana djěng si Krama, doewaän loempat ngabětjis, pada asoep ka noe bala, njoempoet ka wahangan tjai, pada paboeni-boeni, koe dajak hantě katimoe, tina koe kasijěnan, pangnjoepoetna lěwih boeni, těñgah pěting si Krama djèng Kěrtasana.
- Ti lěwěng pada kaloewar, nanggeeh jén gěs pada balik, pada lěmpang toeroet těgal, njorang lěbak mapaj pasir, lěmpangna sapěpěting, toeroet lěwěng madjoe ngidoel, tjoe-tjoek hentě di rasa, datang ka waloengan tjai, toeloej ěrěn doewaän sisi waloengan.
- Tina gěs béjak tanaga, nahnaj hantě bisa indit, oeroet ti běrang di oedag, djěng soekoe koe tjoetjoek ěrih, djadi tě bisa oesik, djěng těnangan hajang njatoe, toeloej