Ieu kaca geus divalidasi
64
- Koe prakara éta kami liwat soekoer, hé Marataroena, ajĕna panrima déwék, di oenggahkĕn djadi mandor panggĕdéna.
- Sarta gadjih saboelan̄a limapoeloeh, sadjaba tidinja, hé ijĕ Mratroena méré, kĕr manéhna saratoes roepija pérak.
- Rĕdjĕng dĕi koe kami anoe di maksoed, moegi Maratroena, di tĕtĕpkĕn djalan hadé, oelah aja gindi pikir owah nijat.
- Tjoba lamoen doewit noe sapoeloeh réboe, noeroetkĕn kling téja, karĕpna di paling baé, ĕnja ogé bĕnghar tapi rĕdjĕng soesah.
- Saoemoerna tangtoena soempoet salindoeng, sijĕn koe noe boga, éta kitoe pĕtana téh, ajĕnamah doewit boga pikir sĕn̄ang.
- Djawab Maratroena langkoeng-langkoeng noehoen, aja sihing toewan, ka djisim koering noe bodo, ti baréto ngan piwĕlas linggih toewan.
- Rĕdjĕng dĕi simkoering manawi roedjoek, amit moelang hĕla, arék mapagkĕn poen bodjo, djĕng mitoha sapoeloeh powé lilana.
