Ieu kaca geus divalidasi
66
- Toewan njaoer hé Marataroena soekoer, kami idin pisan, manéh téh gĕra djig baé, gĕra ala pamadjikan djĕng mitoha.
- Ĕnggĕs indit Marataroena ti Dasoen, tĕ kotjap di djalan, kotjapkĕn gĕs dĕkĕt baé, ka lĕmboerna kira ĕkĕr wantji isa .
- Maratroena kagét ngoeping noe ngagoeroeh, gamĕlan djĕng soerak, djĕng djĕlĕm̄a anoe nongton, toeloej asoep Maratroena ka lĕmboerna.
- Barang nĕpi Marataroena ka lĕmboer, néndjo djalma réja, kĕr ngararijoeng di balé, kabéh pada soeka-soeka dalalahar.
- Djĕng nji Baréh katéndjo aja di dapoer, djĕng awéwé loba, pada ĕkĕr di garawé, njisih masang kĕr ngarijoeng dalalahar.
- Maratroena toeloej njampĕrkĕn ka dapoer, manggihan bodjona, gĕs papanggih djĕng nji Baréh, toeloej Maratroena nanja ka bodjona.
- Hé nji Baréh tjik akang bédjaän atoeh, koemaha sababna, anoe matak ramé-ramé, rĕdjĕng kakang hantĕ pisan di bédjaän.