Ieu kaca geus divalidasi
68
- Nji Baréhtéh tĕ ngadjawab sarta toengkoel, rĕwasĕn katjida, réhna gĕs roemasa goréng, tjitjing baé bari tjĕrik sĕgĕgroekan:
- Maratroena soesahĕn hantĕ di wangsoel, tĕ mĕnang katrangan, toeloej indit ti dapoertéh, rék nanjakĕn katĕran̄gan ka paman̄a.
- Hantĕ lila djĕng paman̄a gĕs patĕpoeng, Maratroena nanja, hé paman sadkoela naros, lalampahan poen bodjo satinggal koela.
- Réhna koela salawas aja di Dasoen, hantĕ ménang bédja, lalampahan̄a poen bodjo, sarĕng éta anoe matak raraméjan,
- Moegi-moegi paman oelah rék salingkoeh, masing satĕrangna, tjat ka badé tjat ka goréng, soepajana koela oelah panasaran.
- Hantĕ lila paman̄a toeloej ngawangsoel, hé Marataroena, poma oelah lĕtik haté, lalampahan nji Baréh paman oeninga.
- Hantĕ aja tjidrana satoengtoeng ramboet, paman wani soempah, moen Baréh lampahna goréng, kitoe sotéh éta ngan bawaning boedak.