Ieu kaca geus divalidasi
76
- Djĕng sadjaba dagang lalab ninoen saroeng, mori rĕdjĕng badag, kĕr baris djoewalĕn kénéh, hasilnatéh tjawisan naoeran hoetang.
- Katjarita nji Baréh ĕnggĕs prak ninoen, soemawon̄a dagang, lampahna gĕs hasil kabéh, saroeng pajoe lalab roembah raris pisan.
- Ĕnggĕs boga doewit ĕkĕr baris naoer, hoetangna ka tjina, nji Baréh téh liwat atoh, toeloej baé di taoerkĕn koe manéhna.
- Ĕnggĕs ngarti nji Baréh jén dagang oentoeng, toemoeloej dagangna, adatna noe moemoelantéh, ĕnggĕs lĕngit di ganti gĕtol daékan.
- Taja pisan nganggoernatéh saban isoek, gĕs tambah radjin̄a, sarta pikirna nji Baréh, Soepajana salaki tambah njaähna.
- Djĕng kasalahan̄ana anoe kapoengkoer, di pambrih pohona, anoe matak sakitoetéh, soemawon̄a étamah Marataroena.
- Djadi oenggal-oenggal powé pada madjoe, njijar ka hiroepan, ari éta njai Baréh, babakoena dagang tarasi djĕng minjak.
