Ieu kaca geus divalidasi
78
- Maratroena djadi tambah-tambah oentoeng, ĕnggĕs djadi bĕnghar, tabah di pertjaja baé, koe sakabéh djalma di nagara Rĕmbang.
- Katjarita parĕng dina hidji waktoe, aja tjina ngandjang, ari ngarana tjina téh, oerang Lasĕm katĕlah babah Boenhowa.
- Toeloej ngomong hé Marataroena batoer, kawoela rék nanja, anoe matak kadijĕtéh, réhna djasad kawoela gĕs mĕnang bédja.
- Réh andika pagar soeka tjari oentoeng, djawab Maratroena, babah atoeh poegoeh baé, noe di sedja bĕrang pĕting hajang bĕnghar.
- Sabab lamoen bĕnghar koela bisa noeloeng, ka kabéh baraja, Anoe malarat noe bodo, koela ĕnggĕs tangtoe bisa ngarawatan.
- Ngomong dĕi Boenhowa soekoer moen kitoe, satĕrangna koela, anoe matak kadijĕtéh, arék nĕda pitoeloeng Maratroena.
- Saoepama Maratroena bisa noeloeng, pikarĕpĕn koela, mĕngké koekoela di béré, oewang kartas lobana saréboe pérak.
