Ieu kaca geus divalidasi
86
gĕs katingali, toeloej di sambat, di piwarang ka boemi.
- Toeloej mriksa éta Rahadén Wadana, arék naon ilaing, hé Marataroena, sĕm̄oena roeroesoehan, kadijĕ bĕt pĕting-pĕting gĕra bébédja, poma sing gasik-gasik.
- Toeloej Marataroena mihatoer lampah, noen djoeragan simkoering, rék hatoer oeninga, réh gadoeh papanggihan, anoe matak pĕting-pĕting, nja ngadĕhĕsan, réh mĕndak tjina djoelig.
- Di tjarijoskĕn sakabéhna ti awalna, sarta dongkap ka ahir, jén kitoe lampahna, tjina ngaran Boenhowa, Radén Wadana gĕs ngarti toeloej miwarang njaoer oepas pĕrdjoerit.
- Katjarita oepas djĕng pĕrdjoerit datang, toeloej baé badami, Rahadén Wadana, rĕdjĕng Marataroena, rék nangkĕp tjina noe djoelig, ngaran Boenhowa, djĕng prahoena sakali.
- Sanggĕs toetoep badami Mratroena moelang, toeloej ti boemi indit, arék dangdan-dangdan, ngĕsijan parahoena, koe sagala kai-kai, gantjangna éta, parahoé gĕs di ĕsi.
- Tapi kahandapna hantĕ di ĕsijan, di hadja koe
