Ieu kaca geus diuji baca
50
- Tapi aja djalma noe asal di toeloeng, tě boga tarima, noe asih di poelang goréng, anoe kitoe těgěs djalma salah tampa.
- Tapi kadjén manèh mah oelah kadoehoeng, réhna gěs noeloengan, tangtoe měnang balés hadé, ti Pangeran anoe adil sipat rahman.
- Tapi lamoen ka djèlma poegoeh sok kitoe, goréng tarimana, manéh hadé kapok baé, montong rěsěp ka djalma koerang tarima.
- Djěng noe kitoe oelah pisan hajang wawoeh, noe kitoe adatna, oelah koemawani hadé, bisi djadi kagoréngan di toengtoengna.
- Pikir hěla salawasna oerang hiroep, njijar kahadéjan, sapandjangna oelah wěléh, élmoe adab tatakrama pada djalma.
- Éta oerang saoepamana patěpoeng, rědjěng kawawoehhan, sanadjan djěng satroe ogé, oelah sédjén tingkah polah paoetjapan.
