djurung dihajoh-hajoh, gamparan anu ngawitan, ngagujurkeun nagara, atuh abdi anu mutuh, kalébuh ku katémpuhan.
13. Padahal abdi teh geuning, sakiat-kiat tirakat, teu towong paméléng hate, midada kana nénéda, ka Allah nu kawasa, nunuhun turunna wahju, ginandjar kawiludjéngan.
14. Ahir dibanding dituding, kana pamukana bahja, djuru njered ka tjotjoge, sok narik kana baruntak, atuh abdi dilabrak, ka gunung leuweung nu liwung. ka pasir lamping nu djungkrang.
15. Ajeuna sumangga mulih, bilih rama tétérasan, béndu ka abdi nu bodo, abdi mah sumédja djadjap, dongkap ka katja-katja, gamparan mah geura lungguh, ngageugeuh sipat kusumah.
16. Pértiti andana wari, ngareka ngeujeuk nagara, neteskeun mangkon karaton, abdi mah mung manawina, bade baktos satia, ku paméléng hate husu. pandu‘a ti pangalasan.
17. Margi hénteu wantun teuing, sumeuleukeung ka paméngkang,sumolondo ka péndopo. ngemutkeun ku hina papa, bok bilih djadi matak, waték ngusutkeun kadatun, njangarkeun kana nagara.
18. Buktina ku diri abdi, katampi kieu raosna, sémi-sémi sanes djodo, harkat abdi djadi menak, bubuhan hénteu aja, tetesan kuméndung pajung, sanes titisan narpatya.
19. Kapungkur abdi teh geuning, séring-séring nja undjukan, tina ku salémpang hate, inggis tina sakieuna, naha atuh gamparan, lambat- lambut tuhu kalbu, luluasan nja miwélas.
20. Ajeuna mah maksad abdi, tumut sérét luar kota, gédong mah bade nu anom, kitu ge saupamina, masih keneh gamparan, tuhu salébéting kalbu, wélas ka abdi nu hina.
21. Pangeran Nurasadjati, ngadangu garwa wawarta, rampujuk nambahan abot, dumugi nandang latlatan, marga katérésnaan, katutuh ku saur liwung, katongtak ku nu sasambat.
22. Eh énung éngkang teh mugi, ulah dipapag ku réntag, njampakkeun wartos prihatos, anggur éngkang parantjahan, bisi kateterasan. ngadjadi djuru kabaud, ku raséksa nu binasa.
23. Ahli kairid ku djurig, tukang kabandang ku setan, dirawu ku géndéréwo, éngkang taja nu nulungan, keuna ku katénungan, suwung nu miruruh njusul, taja nu datang nareang.
24. Ngan Njai anu katampi, wirasat daek tirakat, mérih ati ka Jang Manon, geusan kamuljaan éngkang, ajeuna karasana, rahaju panulung énung, kaluar tina bahaja.
25. Engkang hénteu sépi pikir, dina sapandjangna lara, murilit
