sumawonna mungguh Madura wah,
Selebes Malaka oge,
ari nu jadi Ratu,
Sri Kartanagara kakasih,
nu agung wijaksana,
agamana husu,
gelar raja pinandita,
tapi aya kacawadna Sri Narpati,
resepan teuing perang.
Reujeung osok percantenan teuing,
turug-turug sok kajeunan pisan,
ana pogot kana ngarot,
keur gerah senang kalbu,
ngagelarkeun kasukan galih,
sok tonggoy kajongjonan,
boh kieu boh kitu,
terus bae sukan-sukan,
malah eta nu jadi marganing pati,
anu bakal kakocap.
Putra opat sadayana istri,
taya pisan putra pamegetna,
jenengan putra Sangkatong,
nu kahiji disebut,
Tribuana Sang Prameswari,
ari anu kadua,
putri am puh lungguh,
Mahadewi Jah Suhita,
Katiluna Prajna Paramita Dewi,
Gajatri nu bungsuna.
Dua putri nu geus jatukrami,
nu pangbarep ka Raden Wijaya,
tunggal sarundayan keneh,
putra Lembu Tal pamuk,
putu Narasinga binangkit,
12
