saderek rama raja,
nu kadua tepung,
sareng Raden Ardaraja,
putra Raja Daha atawa Kediri,
jenengan Jayakatwang.
Kacaturkeun Sri Maha Narpati,
anjeunna teh kagungan andelan,
padamel anu kaanggo,
diasihna kalangkung,
ti nu lian estuning leuwih,
langkung ti ka wargina,
kawasana punjul,
jadi tangan-tangan Raja,
kak oncara Ki Banyak Wide kakasih,
tara anggang ti Raja.
Tapi najan kalangkung diasih,
napsu goreng hese dipegatna,
kawas Arya Banyak Wide,
tekadna henteu patut,
anu asih dipulang sengit,
haat dipulang moha,
tek baha ka Ratu,
seja ngaruksak nagara,
sauyunan reujeung Sang Raja Kediri,
Sang Jayakatwang tea.
Raja Daha atawa Kediri,
reujeung Ratu Tumapel nagara,
sajabana ti besan teh,
katambah-tam bah taluk,
ka Sang Kartanagara Aji,
ayeuna niat baha,
jeung Banyak samiuk,
tapi gancang kauninga,
Kangjeng Raja enggeus henteu hamham deui,
