yen aya niat jahat.
Najan tekad Banyak Wide sidik,
tatapina teu majar kumaha,
ukur dipindahkeun bae,
nu minangka panghukum,
di Sumenep jadi wawakil,
tunggu pulo Madura,
jadi wakil Ratu,
nelah Arya Wiraraja,
Jayakatwang henteu pisan dipiduli,
sanajan kauninga.
Najan anggang ti nagri Kediri,
Banyak Wide Arya Wiraraja,
patekadan henteu leeh,
teu putus sambung catur,
reujeung Raja nagri Kediri,
badamina teu pegat,
ka Tumapel nyatru,
Singosari rek dibedah,
rupa-rupa akal tarekah diulik,
sangkan maksud laksana.
Catur deui Sang Sri Maha Aji,
kangjeng Ratu Sang Kartanagara,
jadi ngadolos kahoyong,
kapalayna diberung,
sagala teu kersa badami,
wet ganti pileumpangan,
mun aya nu nyundul,
nu ngemutan ka anjeunna,
lain bingah jeung tuluy panjang digalih,
ieu mah kalah wera.
Malah aya sesepuh pinilih,
panarosan Sri Kartanagara,
keur tacan robah panganggo,
