Kaca:Babad Majapait.pdf/17

tanda nyata gumusti sumembah,
enggalna nya tuluy bae,
anjeunanana ngutus,
anu ngemban dawuhan gusti,
ngajugjug tanah Jawa,
dumeuheus ka Ratu,
ngunjukkeun dawuh Rajana,
ka pangarsa Sang Narpati Singosari,
Perbu Kartanagara.

Tatapina Sang Sri Maha Aji,
reh rumaos henteu pisan-pisan,
sumujud ka Tartar Katong,
henteu rumaos taluk,
hanas eta sok ngintun tawis,
kagegelan ti Jawa,
lain tawis taluk,
ngan tawis anu mimitran,
ku hal eta kapalay Cubilay aji,
ditolak ku anjeunna.

Najan kitu Sang Tartar Narpati,
keukeuh bae kitu kahoyongna,
hayoh ngutus deui bae,
ku tina can digugu,
can ngaraos tiis panggalih,
hantem ngintun utusan,
ahirna Sri Ratu,
Sang Raja Kartanagara,
reh utusan jebul deui-jebul deui,
sakalangkung benduna.

Ki utusan anu ngaran Meng Ki,
direjengan plok tarangna dicap,
cap pageuh mo daek ledeh,
geus kitu sina undur,
ka nagrina sina baralik,

17