Kaca:Babad Majapait.pdf/21

wadia balad jagrag,
tuluy bae ku Senapati diatur,
balad teh dibagi dua,
anu rea jeung saeutik.

Saurna Ki Senapatya,
"Eh kapala ieu anu saeutik,
ti beulah kaler nya nempuh,
ngarurug ti heula,
ngagagalak barina ngagelo musuh,
supayana disarangka,
yen nu nempuh ngan saeutik.

Reujeung tangtu musuh urang,
wungkul bae ka kaler ngabeledig,
eta ku lantaran kitu,
ieu balad nu kuat,
poma pisan ulah katembong ku musuh,
bari ngadeukeutan kota,
rerencepan ati-ati.

Jeungna deui mangka awas,
laku lampah musuh kudu kaintip,
lamun ka kaler maruru,
ngudag ka batur urang,
buru-buru maraneh ka kota asup,
jabel padalemanana,
reujeung lamun heug kapanggih.

Aragani jeung Rajana,
tewak bae paehan samasakali,
entong rek dibere ampun,
ulah rek dihampura,
tah sakitu parentah kami tarurut,
kalawan dawuhan Raja,
geus beres buru arindit."

Tatan-tatan wadya balad,

21