ngahaturkeun piunjuk,
yen ayeuna wanci mustari,
geus dongkap kana mangsa,
waktu pikeun nempuh,
ngajabel nagara tea,
geus netepkeun tinangtu bakalna hasil,
mun ayeuna-ayeuna.
Pangkur
Pon kitu deui aturan,
jalan-jalan prak prakanana jurit,
ditetek henteu kalarung,
cindekna pepek pisan,
eusi surat cukup sakur nu perelu,
utusan anu mawana,
tong teuing panjang digurit.
Caturkeun bae datangna,
disanggakeun ka Sri Ratu Kediri,
Raja bingah sakalangkung,
maos ungelna serat,
bear budi dibarung teu weleh imut,
sab mangsa nu diantosan,
ayeuna geus datang sidik.
Enggal nyaur Raden Patya,
Senapati teu kantun prak badami,
geus lastari tuluy nyaur,
nyaur Ki Gulang-Gulang,
dipiwarang ngembarkeun dawuhan Ratu,
kapetengan disauran,
sina jagrag perejurit.
Ngungkungan sora bendena,
geus karungkup sabudeurna nagari,
para ponggawa karumpul,
