Kaca:Babad Majapait.pdf/19

ngalegaan bawahan.

Sanggeus lengkep perjurit tarapti,
geus samakta katut pakarangna,
sadia kari jung bae,
tatabeuhan ngabagug,
pepek eukeur ngiring perjurit,
jajap ka palabuan,
kari nunggu waktu,
geus mangsana ngabrul miang,
rame pisan sorana asa kaindit,
surak jeung tatabeuhan.

Tunda anu arek nempuh jurit,
kocap deui Arya Wiraraja,
anu ngileng-ngileng bae,
nunggu waktu rahayu,
nganti-nganti wanci mustari,
keur ngajabel nagara,
ka Tumapel nempuh,
anjeunanana uninga,
balad-balad Singosari geus arindit,
saeutik anu tinggal.

Kitu deui Patih nu binangkit,
anu banget pada mikserab,
Raganata geus sumeren,
geus tara milu-milu,
kana ngurus ngolah nagari,
saurna jero manah,
Ayeuna geus waktu,
Raja taya pangawasa,
mun singa mah kuku sihung geus laleungit,
lir oray taya peurah.

Tuluy bae heg ngadamel tulis,
surat pikeun ka Sang Raja Daha,
Sang Jayakatwang pagusten,

19