Kaca:Poesaka Soenda 1922-08-1(02).pdf/12

Kinanti

20. Pajoeng tiloe noengkoe-noengkoe,
    pajoeng toejoeh noe ngoeriling,
    pajoeng dalapan ngadjadjar,
    pajoeng salapan ngabanding,
    oelah katoengkoel ramana,
    sareng oelah boeret galih.
21. Koedoe nganggit-nganggit kalmoe,
    kadah ngaraoskeun galih,
    noe njawér kedah sampoerna,
    supanten toembalna matih,
    panadjem oelah ditilar,
    bati dagang kedah bidjil.
22. Oetjoetkeun popondén radjoet,
    pikeun toelak sial diri,
    malar tebih balaina,
    masingna parek redjeki,
    salamet pandjang joeswana,
    doegi ka alam noe lahir.
23. Neda ma'loem tjoekoep loemoer,
    ka sadaya noe lalinggih,
    ieu anu njawér tamat,
    geura lebet moerangkalih,
    tjalikkeun di papadjangan,
    ondangan soemangga linggih.

---

Basa Soenda

Basa djadi tjitjiren bangsa

(Samboengan Poesaka Soenda No. 1)

1. Basa indonesie (Kapoeloan Soenda, Malaka Filipina, Formosa, Madagaskar).
2. Basa² Melanesie (Mikronesie, poelo² Bismark poelo² Salomon, tji, Nieuw Hebriden, Nieuw tjalidonie sareng sabagian basisir Nieuw Goeinea)
3. Basa² Polynesia (Tonga, Sarmoa, Nieuw Zeeland, Tahiti, Hawai).

Basa² di Halmahera kaler sareng basa2 Papoea, eta henteu kalebet kana bondoroyot Aoestronesie.

..........

Eta tedak basa2 Hindia di bagi djadi doea bagian:

I. Basa Aoestronesie, noe dibagi doeei djadi 3 pentjaran, nya eta;

A. Basa koelon:

1. Golongan Soematra: basa Atjeh, Gayoe, Batak, Minangkabo, Malayoe, Mentawi, Enggano sareng basa2 di Malaka sareng Malagasi.
2. Golongan Ddjawa: basa Soenda, DJawa, Madoera sareng Bali.

B. Basa Borneo, ieu basa loba sapatosna sareng Basa Koelon, seueur ngalana ka basa Wetan. Anoe kalebet ka dieu: basa iban, basa dayak-laoet, Kayan…sareng seueur2 deui.

C. Basa Wetan:

1. Golongan Selebes: basa Gorontalo, Tomini, Toradja, Makasar, Boegis sareng sadjaba ti eta.
2. Golongan Soembawa: basa Sasak, basa Soembawa.
3. Golongan Soemba-Bima: basa Soembawa-wetan, Flores koelon, Soemba sareng Saboe.
4. Golongan Ambon-Timoer: Basa Flores-wetan, Kei, Seram, Ambon sareng seueur2 deioe.
5. Golongan Soela: basa Batjan, Halmahera-kidoel sareng sadjaba ti eta.
6. Golongan Filipina: basa2 kapoeloan Filipina, Marennen, tjarolinen, Formosa-kidoel, Borneo-Inggris beulah kaler-wetan, Talaoed, Sangir, Bantik, Bentenan, Tonsea, Tomboeloe, Tondano, Tontemboan.

II. Sanes basa Aoestronesie

A. Basa Halmahera-kaler; dipakena koe oerang Halmahera-kaler, Ternate, Tidore sareng poelo2 loloda beulah kaler sareng kidoel, Raoe, Morotay sareng poelo2 noe aya toeroet2 basisir tobelo.

B. Basa Papoea di Nieu Goeinea. Eta basa2 ka bondoroyot Aoestronesie teu lebet, ka Aoestralia teu lebet, sareng binten2 pisan, dongkap ka tampolana oerang kampoeng ieu teu

28