| 324. | Horéng téh nganjar-nganjari, |
| gamparan mamandaloena, |
| madjar sémah oetrak-atrok, |
| geuning degig ngadak-ngadak, |
| hénteu keresa mariksa, |
| ka abdi ngadoedoeh tamoe, |
| kapan toekang dipiwarang |
| 325. | Ambet kasih woewoeh isin, |
| ngadangoe noe sasaoeran, |
| SadJongdjongan mah olohok, |
| naha saha ieu semah, |
| madjarkeun teh enggeus loma, |
| ka aing ngakoe geus wawoeh. |
| da panggih oge kakara. |
| 326. | Toengtoengna. poetri ngalahir, |
| tina sanget manah heran, |
| wajahna isin-isin ge; |
| Mangga ka ditoe ka ama, |
| ama oge tadi aja, |
| di rorompok sareng iboe, |
| oelah linggih di noe bala. |
| 327. | Ari saoer Siliwangi; |
| Angken heula koe gamparan, |
| atoeh memeh ka iboe teh, |
| engke ge rek ngadeuheusan, |
| maroekan ieu teh saha, |
| kapan rentjang toekang beloek, |
| Si Hideung noe ngedoel tea. |
|
| 328. | Naha gamparan bét degig, |
| soemangga geura piwarang, |
| ajakan koe abdi kelek, |
| naha nganggo asa-asa, |
| pariksa atoeh pariksa, |
| oelah aloer kana noendoeng, |
| abong ka rentjang balangsak, |
| 329. | Anoe tiloe aki-aki, |
| nambalang nempas tjarita; |
| ltoe diah tjéleng mogok; |
| Eta geuning lain semah, |
| Agan anoe kasamaran, |
| koemaha mending diakoe, |
| boa ditoendoeng mah lebar, |
| 330. | Tjing Agan masingna sidik, |
| enja kitoe eta tea? |
| Ambet kasih tambih bengong, |
| panangan ngeukeuweuk kembang, |
| samar polah samar rasa, |
| toengtoengna anggoer toemoengkoel, |
| sasaoeran Ialaoenan: |
| 331. | Da eta oeingna pangling. |
| Aki henteu ngabedjaan, |
| da oeing mah henteu njaho, |
| panjana teh anoe lian |
| anoe matak kasamaran, |
| naha atoeh mana kitoe, |
| Siliwangi salin roepa? |
Dangdanggoela.
Aja samboenganana.
|
_ornament.jpg)
