halimun, kudu geus aya di kebon enteh, metik pucukna.
Diharudum halimun ting kerebet dina sela-sela tangkal, dikaredong karembong bari mawa endong keur wadah pucuk enteh.
Tiris teu dihiding, ditambah ku ciibun nu nyalangkrung dina daun-daun enteh, katebak leungeun, atuh baju jeung samping rancucut, teu beda jeung jelema nu tas tigebrus kana walungan.
Enyay-enyay bray beurang, cahayana beuki terang haneut moyan. Awewe nu maretik pucuk enteh ngagilir nyanghareup ngulon, nonggongan panonpoe lumayan sangkan tonggong ka- haneutan.
Beuki haneut beuki seger, beuki panas, ngebul tina baju, ngebul tina sungut, asal tiris kasorot panasna panonpoe.
Panon nu asalna rumeuk, ngadak-ngadak cekas, tanaga nambahan.
Keur ngareuah-reuah rasa sepi ti tadi, ngamimitian saurang nyarita, silitanya, nu ahirna kabeh sungut pada daek, ngomong nu teu puguh leunjeuranana.
Haleuang sora nu tembang, lagu Karangnunggal, ditema Ku nu sejen lagu Banjaran, sili tempas nu ahirna teu puguh de- ngekeuneunana.
,,Empat!” ceuk Mandor metik ka Nyi Patmah, budak awe- we kulimetik nu umurna kakara lima belas taun,” lagu kembang- beureum, Nyai!”’
,,.Buruhan atuh, Mang mandor!” Ceuk Patmah.
,,Heg, ke dibere sabenggol, dua lagu, tapi!’ ceuk Mandor.
Ana haleuang teh Nyi Empat ngalagu, lagu kembang beu- reum, sakur nu aya di dinya nu maretik katut Mandorna, reg eureun. Leungeunna ngarandeg jegjreg deukeut pucuk, beuheung- na kabeh marieus, panon olohok ngembangkadu, kabeh nenjo ka Nyi Empat. Ambekanana renghap ranjug bareng nurutkeun irama lagu.
Rasa kagendam ku sora, jiwa kabawa ku nada, lalewang asa diawang-awang diayun-ayun, diapungkeun, dibanting dikenyed, dialungkeun digaleongkeun ....... Ampun! Kawas jelema
nu keur tumpak parahu kakara, renghap, lewang, galeong nurut-
