keun jalanna ombak.
Eta palebah sora ,jangkung........ ” ditungtungan ku senggolna dikenyedkeun, tina sora leutik nu ngadak-ngadak gede, nu ngadenge kabeh ngarenghap. Atuh dina panutupan dibarengan ku marahmayna beungeut, lesu leuleus, lir nu di- pupul bayu taya tangan pangawasa ku bawaning sugema surup jeung lelembutan. Sugema kasipat ku gaharna sora Nyi Empat.
,,Deui Nyai! Sabenggol deui! Laguna lagu hayam-ngupuk.”
Ngong deui Nyi Empat ngalagu, nyumponan pamenta Man-, dor, pamikirna supaya jejeg limaseneun.
Duit limasen teh sarua jeung ladang kuli metik dua kiloeun.
Kakara oge nepi ka tengah-tengahna, Nyi Empat ngarandeg, aya jajaka nu keur nangtung sagigireunana.
,,Hey. Naha make eureun? Hayoh teruskeun!”’ cek Mandor.
,,Isin ah!” Jawab Nyi Empat.
,,Hayoh teruskeun! Engke ku Aden diperesen satalen!” Cek Mandor.
Nyi Empat ngan ukur ngareret ku juru panonna ka nu di- sebut Aden ku Mandor teh, — jajaka kota, kaciri da bajuna oge dirangkep ku baju kaos kandel. Manehna kalah ka cingogo nyum- put kana rungkun tangkal enteh.
Dihayoh-hayoh ku Mandor oge kalah ka ngadedempes teu katenjo sirah-sirahna acan.
Jajaka kota putra Juragan Mandorbesar, ku ihtiar pang- jeujeuh Juragan Kawasa Kontrak bisa asup ka sakola Milo. Harita manehna geus kelas tilu.
Ayana dikontrak harita keur pakanci.
Rebun-rebun manehna geus hudang, kabawa kahudangkeun ku sora hatong, tapi hudang lain rek ka kebon digawe, ieu mah rek jalan-jalan mapay jalan sela-sela tangkal enteh nembus embun nyeuseup hawagunung, nu diarah nambahan sehat.
Ti kajauhan lapat-lapat aya sora nu tembang, ninggang kana ceuli nu keur macakal mikaresep kana lagu Sunda. Maneh- na harita keur ngawaratah diajar lagu Sunda, dilarapkeun disurup kana hitar.
Ceulina ditungkup ku leungeun sangkan sora nu datang bisa
17
