ka goeha Patoegoeran, nĕpi ka Bajah diitoeng, oekoeran tiloe wĕlas pal.
30. Isoekna bral angkat deui, bĕnĕr tanggal tiloe wĕlas, di djalan teu kintĕn tjape, dongkop ka lĕmboer Sawarna, anggangna salapan pal, tanggal opat wĕlas matoeh, soemĕdja boeboeroe badak.
31. Karana didinja teuing, rea badak djeung garalak, watir ka abdi sakabeh, di mangsa koe badak galak, atawa koe tjilaka, kapeung aja noe ka lĕmboer, lamoen badak teu poetrijan.
32. Isoek-isoek angkat deui, bĕnĕr tanggal gĕnĕp wĕlas, noedjoe lĕmboer Tjibareno, kandjĕng Rĕsdent mariosan, watĕs tanah Prijangan, djeung ningali boedak lĕmboer, anoe ditaranĕm tjatjar.
33. Tanggal toedjoeh wĕlag masih, aja di lemboer Sawarna, sĕdja moeroe badak keneh, di tanggal salapan wĕlas, angkat balik ka Bajah, dina tanggal doewa poeloeh, nja masih aja di Bajah.
34. Didinja kĕrsa ningali, boekoe padjĕg tanah-tanah sarĕng didinja marios, boedak noe ditanĕm tjatjar, tanggal salikoer angkat, ka Malingping sĕdja wangsoel, ngaliwat deui Tjihara.
35. Mondok deui di Malingping, tanggal doewa poeloeh doewa, bari djeung ngeureunan tjape, kandjĕng Rĕsden kĕrsa ningal, pilĕmhoeran didinja, dina tanggal tiloe likoer, angkat ka goenoeng Kantjana.
36. Didinja njare sawĕngi, tanggal doewa poeloeh opat, isoekna tanggal salawe, angkat ti goenoeng Kantjana, soemĕdja balik moelang, djoegdjoeg dajeuh Rangkasbitoeng, tĕroes balik ka Pandeglang.
37. Kandjĕng Rĕsden ladjĕng moelih, ka kadaton dajeuh Serang, ijeu noe disĕrat kabeh, pĕrdjalanan sadajana, basa eukeur harita, tĕrang pisan geus diatoer, dina dangding basa soenda.
III.
38. Sinom ngagĕntosan tĕmbang, harita njata teh teuing
