Sanggeusna lapis kadoea garing djeung teuas ěnja, kakara koe oerang ditjet koe ,,tjet bodas-timah", sing ipis bae. Ari anoe disěboet ,,tjet bodas-timah" teh, nja eta; tjampoeran bodastimah 75 bagian, lijnolle 20 bagian digodog djeung loodmenie tea koedoe kalimpoedan pisan, oelah aja tembong meusmeus atjan. Ari ngoelaskeunana tjet koedoe lalaoenan sarta ka pangdjangna; tapi arti ngětjet beusi lambaran mah ka handap oge moelasna, hade.
f. NOETJET BATOE
Beungeut batoe anoe koe oerang arek ditjet koedoe toehoer ěnja. Komo pelester anoe didjieun koe sěmen-portland mah koedoe toehoerna teh djeung koedoe geus teuas pisan deuih. Beungeut batoe anoe arek ditjet tea koembah heula koe haseum-walirang (zwavelzuur) tjampoeran, nja eta: 1 bagian haseum-walirang ditinjoeh koe tjai 100 bagian.
Lian ti koe haseum-walirang, meunang oge koe koolzure ammonia tjampoeran 1 kana 50, atawa koe 1 injollezuur oge hade.
Lamoen rek nieun gambar koe tjet dina tembokan, koedoe didasaran heula koe taneuh-porang diadoek djeung gips.
g. NOETER KAI
Kai anoe dina saloehoereun taneuh sok diter koe ter Zweden ari anoe kakoeboer hadena koe kaultreer; tapi aloesna eta kai teh koedoe dibeuleum heula sina rada toetoeng kakara diter.
h. NGADEMPOEL KAI
Di Hindia Nederland anoe sok dipake ngaděmpol kai disěboetna ,,mudjoem". nja eta paku diadoek djeung minjak soeoek make apoe; ari di sedjen nagara pakal diadoek djeung ter djeung gngala.
i. TEMBOKAN
Bilik tembok atawa koeta perioe make bata dina 1 M². ± kapoer 0,175 M². djeung keusik 0,350 M². Leuwih hade oelah make sěmen beureum.
Ari pikeun paděmen, dina 1 M² 500 batoe kapoerna 0,175 M², keusik 0.175 M². djeung sěmen beureum 0,175 M².
