Ieu kaca geus diuji baca
katjarios, tatjan aja noe tawěkal, mana dajeuh Soemědang, soesah karěboet nja pajoeng, koe menak Parakanmoentjang.
- Eta noe djadi Boepati, Dalem Wiratanoebaja, aja manahna teu sae, ka poetra Soemědang, nanahna timboeroean, karana anoe dimaksoed, koe Dipati Tanoebaja.
- Tětěp ngadjadi Boepati, toeroen ka poetra poetoenn, sanggeus kitoe katjarios, Dalem Panoebaja wapat, diganti koe poetrana. nja eta anoe diseboet. Toeměnggoeng Poetra Koesoemah.
- Eta anoe leuwih dengki, ka poetra-poetra Soemědang, kahojongna toempoer kabeh, oelah aja anoe měnjat, tambah² risina. ningali ka Raden Djamoe, pantěs děděg-pangaděgna.
- Sorotna djadi Bopati, boedi tingkah lelewana, legeg pantes djadi Regent. kitoe deui Raden Ema, doeanana oetama, djol manah Dalem Toeměnggoeng. Den Djamoe dileler poetra.
- Istoe lain sabab asih, ngan pambrih djadi panjangtjang. oelah liar djaoeh bae, bisiną něda saraja, ka noe bakal noeloengan, gantjangna noe mangoen tjatoer, Raden poetra enggeus nikah.
- Kakasihna eta istri, Nji Raden Tjandranagara, Raden Djamoe geus digentos, Rahaden Soerjanagara, kitoe deui Den Ema. djěněngannana diseboet, Raden Soeriakoesoemah.
- Manah doeanana tiis, Raden enggeus katallan, meureun manah Dalem djempe, tatapi eta soelaja, reudjeung kira-kirana, karaman teh beuki madjoe, Dalém timboeroeannana.
- Manah dělik tapi rikip, Dalěm rěměn miwarangan, ngadodoho di noe bongoh, Raden dipoendoet njawana, tapi sok doemadakan. aja lantaran rahajoe, henteu němah ka salira.
- Fidji mangsa Raden ngiring, ka Litjin boeboedjeng oentjal. di těgal pamoroan teh, aja pamatang noe ngoedag, barina ngabar gobang, soesoembarna maroes-maroes, Raden dioedag ka lěbak.
- Lamoenna Raden katěpi, koe pamatang anoe ngoedag, moal gagal tjek dikadek, Itaden kébat ka boemina, barina roenghap-renghap, eta diabana di kitoe, rea deui meh tiwasna.
- Katjarita basa tadi, keur di těgal Litjin tea, Dalem kaljolok koe kaso, sotjana walěs katjida, eta kitoe adilna, Pangeran noe Maha Loehoer, radjeun kontan wawalěsna.
- Eta pagawean dengki, awal achir koedoe tampa, halěsan adil Jang Manon, henteu kapanggih di doenja, di acherat kapěndak, eling-eling anak intjoe, sabeunang-beunang singkahan.
- Ajeuna kebatkeun deui, lalakon Raden Soeria, tambah soempěg manahna teh, Dalem teu aja sepina, manahna timboeroean, teu kalis noe djadi mantoe, ari radjeun ngadeuheusan.
- Dalěm njaoer sindir-sampir, sillb njogok kana manah, Raden lampi raos bae, raosna asa direrab, ngěrěs ngěrik manahna, tjisotja bidjil moeroeboet, sasambat ka noe ngajoega.
- Tapi njaoerna teu lahir. ngan moentang sadjroning manah,- 196 -
