Perisen, ladjěng sami rěrěmpoegan, keur pigěntoseunana, njandak kaprabon Tjiandjoer, noeloejkeun ka Boepatian.
323. Noe barěmpag ěnggeus gillg, moepakat bae limaan nja eta noe pěrjoga tehm Den Patih Wiradirědja, sěpoeh2 sadaja, sami pada djaloemoeroeng, eta noe baris pěrtjaja.
324. Sěgoet moen djadi Boepati, oetama ngadjadi menak, legeg pantěs djadi Regen, katjatoerkeun djalma lima, ngadamël hidji sěray, oengěl Běrat panoenoehoen, ka Goepěrmen pěrmoehoenan.
325. Soepaja Rahaden Patih, njandak parabon nagara, ngagěntos djadi Boepatos, hěnteu lami antaranan, dongkap sěrat poetoesan, jen Boepati di Tjiandjoer, Papatih Wiradirědja.
326. Mangsa harita Boepati, pangkatna Toeměnggoeng heula, waktoe eta Patihna teh, nělah Raden Natadigdja, teu katjatoer lawasna, antara geus tiloe tahoen, Kandjěng Dalěm meunang pangkat.
327. Dipangkatkeun Adipati, sarta diwoewoeh djěněngan, nja eta kakasihna teh, Dipati Wiradirědja, harita Residenana, toean Makuit anoe mashoer, sabar adil palamarta.
328. Geus aja antara lami, toean Resident mariksa, hal sambětan Dalěm Enoch, aja sabraha reana, pek ladjěng diteangan, beh kapanggih dina boekoe, aja sakěti roepia.
329. Tapi aja noe geus Iami, doea poeloeh tahoen aja , dawoehan toean Rěsident, koe Dalěm koedoe dibajar, ngan koedoe dipilihan, noe tjan doea poeloeh tahoen, eta koedoe ditaoeran.
330. Ladjěng koe Dalěm Dipati, dietang eta sambětan, dipilih noe anjar keneh, doea poeloeh reboe pasmat, enggal dibajar contant, ngan Dalěm aja pioendjoek, ka Rěsiden pěrmoehoenan.
331. Roepaning kaprabon nagri, parabot doenja barana, kagoengan Dalěm soemeren, disoehoenkeun koe kaoela, tětěp milik kaoela, hěnteu dipandjangkeun tjatoer, koe Resident kaidinan.
332. Di Tjiandjoer woewoeh rasmi, taja kakoeranganana, lampah Dalěm katjarios, teu pěgat kana ibadah, kongas Dalěm alimna, ilmoe oesoel ilmoe naahoe,diotjek salalamina.
333. Didjaring koe para alim, dihalormat koe oelama, diobeng koe para lěbě, Dalěm djadi panarosan, kotjap mangsa harita, di Tjiandjoer woewoeh mahmoer, taja kakoeranganana.
334. Anoe tani djadi moekti, anoe dagang djadi beunghar. kana gawe teu tjampoleh, ngawoela teu ngarasoela, ka goestina barela, ngadeuheus ngajadi pěrloe, kěmit bisi aja bahla.
335. Katjarios Iami2, Dalěm geus kagoengan poetra, djoemblahna poetra Dalěm teh, ti sělir djeung ti pawarang, kaetang rea pisan, djoemblah tiloe poeloeh toedjoeh, tjatoerkeun hidji-hidjina.
336. Paměgět anoe kahidji, tapi teu pandjang joeswana, poepoes moerangkalih keneh, tatjan katiban djěněngan, poetrana noe kadoea, ěnja eta noe disěboet, Nji Raden Tandjoeng nagara.
