Ieu kaca geus diuji baca
38. BABAD SOEMEDANG.
SINOM.
- Ieu tjarita dikarang, dianggit didjieun dangding, tjarlia tanah Soemědang, djaman baheula bihari, tapi estoe sapěrti, toetoer anoe tanpa dapoer, ngan noeroet tjaritana, kolot² noe bihari, anoe asli bibit-boeitna Soemědang.
- Toeroen manoeroen tjarita, anoe népi ka kiwari, ineh saroepa tjaritana, kolot² menak koering, noe djadi bibit boeit, kasěboet nagara Galoeh, ganti koe Padjadjaran, SANGA PRABOE SILIH WANGI, noe kasěboet měntjarkeun satanah-Djawa.
- Ratoe², Soenan², noe djadi pangagoeng nagri, sěsěboetan noe baheula, tjara ajeuna boepati, ngaran pangagoeng nagri, ratoe atawana praboe, ajeuna noe kakotjap, tědak PRABOE SILIWANGI, tina watěs SANGA PRABOE LINGGAHIJANG.
- Djadi Ratoe di Soemědang, bibit tědak SILIWANGI, dikěbatkeun tjaritana, djadina ratoe diganti, koe poetra noe kakasih, SANGA PRABOE LINGGAWASTOE, gantjangna katjarita, poetrana ngan hidji istri, djeung panoengtoeng Ratue noe agama Boeda.
- Kota Soemědang harita, kidoeleun Goenoeng Katjapi, diseboetna Koetamaja, sakalereun Palasari, njanding waloengan tjai, sisina beulah ti kidoel, lahanna lempar pisan, awas ningal sakoeriling, ngan tiloe pal ti kota anoe ajeuna.
- Sisi waloengan Tjisoegan, něpi ka djaman kiwari, nělah lěmboer Koetamaja, aja anoe djadi boekti, tanda jen oeroet nagri, aja taneuh rada loehoer, ngěmbat saroepa koeta, djiga pasir ngan pasagi, ajeuna mah geus diroembak djadi sawah.
- Ajeuna ganti tjarita, ratoe di noe sedjen nagri, di Tjirehon nagarana, KANGDJENG SOENAN GOENOENG DJATI, kasěboet RATOE WALI, tědak Kangdjěng NABI RASOEL, harita teh sadjaman, pada mangkoe ngěreh hagri, di Tjirebon sareng di nagri Soemědang.
- Eta ratoe anoe doea, mimitrana goelět dalit, tatapi misah agama, Boeda djeung agama Moeslim, SINOEHOEN GOENOENG DJATI, teu pisan karsa ngaganggoe, maksa ngasoepkeun Islam, tapi tětěp silihasih, katjatoerkeun lila-lila bebesanan.
