Ieu kaca geus diuji baca
- Sanggeus kitoe toeloej bae Patih, njiar anoe beunang dipěrtjaja, gantjangna geus meunang bae, doea djalma geus ladjoe, ka Soemědang lakoena děmit, saroepa anoe dagang. dagang laoek laoet, laĵoer pepetek djeung pěda, teu katjatoer di djalanna enggeus něpi, datangna ka Soemědang.
- Dina pasar dagang wara-wiri, teu katangen jen eta oetoesan. ajeuna gantjangna bae, HARISBAJA, katjatoer, sasoempingna di djero poeri, tatjan angkat angkatan, ka raka mihatoer, hojong tingali di Pasar, ladjeng angkat pirang-pirang anoe ngiring, enggeus soemping ka pasar.
- Geus tinangtoe pasarna teh leutik, toeloej ngider ningali dagangan, beh anoe dagang pepetek, djeung roepa laoek laoet, HARISBAJA manahna elíng, di Tjirebon hargana, eta laoek laoet. toeloej mariksa hargana, hidji pěda pihatoerna gěněp doeit, bangět kaget manahna.
- HARISRAJA kaget djeung ngalahir, bangět teuing dimahalkeunana, kami njaho di Tjirebon, hargana laoek laoet, lamoen hidji pěda sadoeit, ladjeng andjeunna angkat, ajeuna katjatoer. anoe njamar dagang peda, narendjona ka Nji Poetri enggeus sidik. njaeta noe diteangan.
- Toeloej bae goera-giroe indit, teu katjatoer lakoena di djalan, djol geus datang ka Tjirebon, toeloej bae ngadjoegdjoeg, ka boemina Kiai Patih, djeung pada aroendjoekan, salakoena oentoeng, estoe kaběněran pisan, tatjan Jila di djalanna geus djol soemping. Njai Poetri ka pasar.
- Poegoeh oge waktoena satadi, rea djalma geus pada tarĕrang, ka RATOE HARISBAJA teh, geus pertela mihatoer, eta doea oetoesan tadi, dibawa ngadeuheusan, ka djěro kadatoen, dioendjoekkeun titih pisan. sanggeus tamat koe GIRILAJA ka galih, toeloej minděl sakědap.
- Sanggeus kitoe milahir ka Patih, bapa Patih geura parentahan, kapětëngan pradjoerit teh, toeloej bae ngaroeroeg, ka Soemědang sabab geus sidik, HARISBAJA ajana, toeloej hae těmpoeh, masing samakata. gagaman, Soemědang teh wantoening nagara leutik, sadjongdjongan ge bědah.
- Tapi oerang leuwih hade titih, GEUSAN OELOEN disoeratun heula, ditanja sakarěpna teh, naha karěpna taloek, djeung njanggakeun deui Nji Poetri, lamoen niat ngalawan, geus tangtoe - 220 -
