Sakabeh babawaan (bagage) koedoe ditalian sing pageuh sarta diadresan sing tĕrang. Lamoen teu kitoe, dimana eta barang leungit, noe boga teu meunang ganti.
Lantaran teu noeroetkeun eta atoeran, mindĕng pisan aja kasoer atawa tĕmpat-tidoer anoe leungit.
BARANG² ANOE TEU MAJAR ONGKOS.
| OEMOER. | Kl. I djeung II | Kl. III djeung IV. | Kl. I. | Kl. II. | Kl. III djeung IV. |
|---|---|---|---|---|---|
| 12 tahoen djeung leuwih. | 1 M³. | ¼ M³. | 150 KG. | 75 KG. | 40 KG. |
| 3-12 tahoen. | ½ M³. | ⅛ M³. | 75 KG. | 37½ KG. | 20 KG. |
| 1 boedak koerang ti 3 tahoen. | - | - | - | - | - |
| 2 boedak, koerang ti 3 tahoen. | ¼ M³. | 1/16 M³. | - | - | - |
| 3 boedak, koerang ti 3 tahoen. | ½ M³. | ⅛ M³. | - | - | - |
Bagage anoe leuwih beurat ti batan anoe geus ditangtoekeun, diitoeng djeung ditimbang hidji² atawa diitoeng eusina, noeroetkeun kahajang Maatschappij.
Lamoen barang² anoe kasĕboet dina regu aja anoe koerang, anoe boga koedoe gantjang bebedja ka Commandant atawa ka Agent. Ĕmas, perak, doeit, pĕrmata djeung barang² anoe marahal kitoe, beunang dipangngampihankeun koe Commandant, lamoen aja pamentana noe boga. Commandant teu kawadjiban noelatenan, lamoen eta barang dibawa koe noe boga pribadi.
Saha² anoe di kapal njieun obat bĕdil, patrom, benzin djeung salian ti eta sakoer anoe matak balai, hĕnteu kalawan idin kapal, eta djĕlĕma didĕngda ƒ 500.-.
Lamoen barang² oerang hajang didjaga hade², koedoe njarita hal eta ka Agent, atawa lamoen teu aja Agent, ka Commandant, menta soepaja barang² oerang didjaga hade², toeloej majar noeroetkeun noe kasĕboet dina tarief.
Saha² noe hajang njaho tambangan kapal, koedoe nanja ka Agent.
Ieu di handap ngan ditoeliskeun tambangan ka sawatara tĕmpat bae, hĕnteu kabeh.
