poepoes, doegi adjal di djaman lahir, nja kitoe HARISBAJA, katjatoer geus poepoes, teu padjaoeh ti rakana, ninggang kana basa awet laki rabl, něpi kapanganggeusan.
ASMARANDANA.
207. Makam GEUSAN OELOEN tadi, rawoeh makam HARISBAJA, teu padjaoeh těmpatna teh, saban aja anoe djarah, gampang ka doeanana, oeroet kota Dajeuh Loehoer, nja eta di dinja pisan.
208. Ajeuna malikan deui, noeroet oenina sadjarah, garwana GEUSAN OELOEN teh. kakotjapkeun aja doea, diseboet djeněnganna, nami nji MAS GEDENG WAROE, poetra SOENAN PADA tea.
209. Ti dinja poetraan deui, paměgět oge poetrana, anoe mangke achirna teh, anoe ngaganti rakana, Boepati di Soemědang, dina sadjarah diseboet, PANGRAN RANGGA GEDE tea.
210. Poetra GEUSAN OELOEN tadi, noe aja dina sadjarah, henteu dikatjapkeun kabeh, tatapi tědak-toemědak, rea pisan roedajna, ieu mah anoe ditjatoer, ngan eta bae noe doea.
211. Ari rakana noe tadi, noe ti RATOE HARISBAJA, teu lila djoeměněngna teh, mitoeroet tjaritaan mah, wapatna di Mataram, keur seseba ka SINOEHOEN, djeung ninggalkeun doea poetra.
212. Doeanana poetra istri, henteu moelang ka Soemědang, tangtoe aja roendajna teh, sareh PANGERAN Soemědang, kotjapna di Mataram, dipiasih koe SINOEHOEN, kongas kagagahanana.
213. Dalah něpi ka kiwari, henteu pěgat tjaritana, djeung kaseboet makamna teh, di desa Běmběm ajana, rea noe pada djarah. koe oerang dinja diseboet, makamna ka-Soemědangan.
214 Rea pangagoeng tingali, di Solo reudjeung di Djogdja, eta PANGRAN Soemědang teh, wapatna nja di Mataram, nalika djaman koena, eta riwajat saestoe, pantès lamoen dipertjaja.
215. Ajeuna malikan deui, Boepatina di Soemědang, Kangdjeng PANGRAN RANGGA GEDE, geus poetraan baranahan, djeung lami djoeměněngna, ngalihna ka Dajeuh Loehoer, ka wetaneun Koetamaja.
