Di tahoen 1842 ngadamĕl deui solokan Tandjoengmangoe; tahoen 1844 solokan Tjikatomas djeung Tjimandala djeung seer-seerna.
Koe bisloeit Kangdjĕng Toean Bĕsar Minister van Staat 9 December 1847 No. 3, dipaparin noegraha gëlaran ARIA djadi Raden Toemĕnggoeng Aria KOESOEMA DI NATA.
Dina tahoen 1848 andjeunna njarëngan midamël 3 panggilingan kopi, anoe disĕboet Brazilianchkoffie bereiding.
Tahoen 1849 midamĕl djalan-gĕde ti Goenoeng Tjandana, distrik Pandjaloe ka distrik Kawali tëroes parat ka distrik Bandjar (Priangan).
Koe bisloeit Kangdjĕng Toean Bĕsar Minister van Staat 7 Mei 1849 No. 2 ditambah gadjihna ƒ 100, djadi ƒ 600.
Koe bisloeit Kangdjĕng Toean Bĕsar Minister van Staat 10 Mei 1851, La 1.1, dipasihan noegraha gĕlar ADIPATI, disĕboet Raden Adipati Aria KOESOEMA DI NATA.
Koe bisloeit Kangdjĕng Toean Bĕsar Minister van Staat 28 Augustus 1851 La 1.1, gĕntos djĕnĕngan KOESOEMA DI NINGRAT, disĕboet Raden Adipati Aria KOESOEMA DI NINGRAT.
Koe bisloeit Kangdjĕng Toean Bĕsar Goepèrnoer-Djendral 28 Januari 1855 ditimbalan ngawoeroek doea. Pangeran poetra Soeltan Sambas, nja eta Pangeran SAPIJOEDIN djeung Pangeran SARIPOEDIN, noe ajeuna djoemĕnĕng Soeltan di Sambas.
Di tahoen 1862 midamĕl solokan Tjihampaloeng (Mangoendiredja) di distrik Rantjah, sarta moeka sawah lĕgana 2400 baoe.
Koe bisloeit Kangdjĕng Toean Bĕsar Goepĕrnoer-Djendral 20 April 1865 No. 15, dipasihan noegraha Madali Emas katoet rantajna Emas.
Koe bisloeit Goepĕrnĕmen 1 October 1867 ditambah gadjihna ƒ 500, djadi ƒ 1100 .
Di tahoen 1871 ditimbalan deui ngawoeroek doea Pangeran ti Djalle of Matan, Pontianak, nja eta Pangeran HIDAJAT djuung Pangeran TAMDJID.
Koe bisloeit Kangdjĕng Toean Bĕsar Goepĕrnoer-Djendral 6 Februari 1874 No. 1, dipasihan noegraha Pajoeng-Koening.
Koe bisloeit Sri Maharadja 18 Februari 1878 No. 7, dipasihan noegraha Ridder Orde van den Nederlandschen Leeuw.
Dina tahoen 1886 wapat dina joeswa 72 tahoen.
Djadi liliana ngasta damĕl Goepĕrnĕmen 55 tahoen.
Tina hal pĕtana ngeujeuk nagara, nja kitoe deui hal kagètolanana djeung binangkitna ngasta damĕl ngamadjoekeun abdi-abdi, istoe mashoer pisan.
Salian ti ahli didamĕl, andjeunna loba kaoeningana hal basa. Loba pisan pangagoeng Eropa anoe hemĕng manahna ningali andjeunna iasa basa Walanda, toer hĕnteu sakola teu naon. estoe ngan koe
