dal toeleoj baralik deui. Ti dinja baridjil tina doengoes, balik ka imahna menta disaksian satoeroenan manehna tjadoe nĕda laoek mĕntjĕk.
47. AKSARA W.
Di Nagri Walanda aja hidji goeroe anoe mashoer kabina-bina kapintĕranana hal ngatik boedak, sasaoer-saoerna ditaroeroet pisan koe soegri anoe narĕda timbangan ka andjeunna hal ngatik boedak. Sarta lain saeutik iboe-rama anoe saroemping ka andjeunna, nĕda nasehatna hal ngoeroes poetrana. Malah Kangdjĕng Radja pisan mariksakeun ka eta goeroe, koedoe koemaha Ratoe Poetri Juliana diatikna.
Saha atoeh anoe tatjan naringali bentang?
Tangtos sadaja oge parantos.
Nja kitoe deui sadaja anoe bĕrëlmoe tangtos aroeningaeun ka JAN LIGTHART. Tah, sakitoe kamashoeranana djĕnĕnganana, eta toean teh.
Goeroe anoe ditjaritakeun tadi di loehoér teh, nja eta toean JAN LIGTHART tea.
Andjeunna geus njarioskeun hidji kadjadian anoe teu sapira, istoe hal sapopoë pisan; tapi moenggoeh keur anoe arahli tapakoer, soemawonna keur noe djadi iboe djeung rama, anoe rĕsĕp ngatik poetrana, nja eta anoe aroeningaeun jen di boedak teh aja bibit gaib anoe goemilang .......... bibit kamoeljaan manoesa, bibit anoe koedoe disiram dibajoean koe kolot, pambrih ......... djadi rahardjaning djagat, — tah keur pantar kitoe mah, eta lalakon aneh kabina-bina.
Kieu tjariosanana eta toean:
Dina hidji mangsa, sakabeh djĕiĕma, sarerea pada ka darajeuh. Ti soeklakna ti sikloekna, ti tĕriswiring mani mĕroel ngaleut ngeungkeuj ngabandaleut, ngĕmbat2 njatang-pinang, lir oepama tjai bandjir noe ngotjor ka kota, ngeujeumbeu ngaliwat sasak djeung djalan-gĕde ngoempoel k a poeseur dajeuh, toeloej ngalioeh tjara poelĕkan leuwi.
Beuki deukeut oerang ka dajeuh, djalma beuki nojek, toengtoengna djog andjog ka poeseur dajeuh, ka aloen-aloen boeleud, mani oetĕj djĕlĕma padĕsĕk pasĕdĕk-sĕdĕk, ngoempoel pageje djadi gandoean gĕde, oejĕk taja tjitjingna , reok nĕngah ............. reok njisi. tingaraleut ngarĕj tjara loeloet noe ngagoendoek.
Hirita mĕnĕran aja pesta, dajeuh dipapaesan koe damar-sewoe nĕpi ka baranang siang; ari noe pangaloesna, nja di aloen-aloen tea.
