Ieu kaca geus diuji baca
kioerat. Samemehna dipake koedoe dikoembah heula sing běrěsih pisan, toeloej digoeloeng-goeloeng koe ramo, mambrih kaloear tjaina. Sanggeus kitoe toeloej ditaplokkeun kana raheut tea. Dina sapoë koedoe diganti tiloe kali.
- Ari raheut anoe teu djěro hade dioebaran koe widara-oepas. Samemehna dioebaran, raheutna koedoe dikoembah heula sing běrěsih koe godogan patje sawit, hartina: patje, papagan djeung akarna tina tjangkoedoe satangkal. Sanggeus kitoe raheutna ditoetoep koe widara oepas beunang ngeureut ipis. Lamoen raheutna djěro, hade dioebaran koe ieu: njokot akar tanggoli bobot roepia 20 à 30, tjai sablek minjak tanah, toeloej digodog něpi ka kari ¾ na deui. Raheutna dikoembah koe eta godogan, sarta diķětjeran deuih.
- Daoen běběsaran dileumpeuh, toeloej dioelasan minjak kalapa, digoeloeng-goeloeng koe ramo; geus kitoe ditaplokkeun kana raheut tea. Biasana eta raheut katjida tereh tjageurna. Tapi samemehna dioebaran, eta raheut koedoe dikoembah heula sing běrěsih pisan koe godogan akar tanggoli.
- Raheut lantaran kakadek sok tereh tjageur koe geutah gebang. Samemehna dioebaran koedoe dikoembah heula masing běrěsih.
- Raheut anoe karasana panas djeung katjida njěrina, sok leungit njěrina koe senggang-tjoetjoek: daoenna dirleus sing lemboet, dioebarkeun. Daoen senggang-tjoetjoek bawana tiis.
- Seureuh oge dirieus, beunang dipake oebar raheut. Anoe koedoe dioebaran koe ieu, lamoen raheutna ateul.
Tjatjingeun.
Anoe sok tjatjingeun babakoena pisan boedak. Ari katjirina tjatjingeun: beuteungna boengkiang, boeoekna tjarèngkat, boeloe-panonna rarapět djeung iroeng getek.
Děmi oebarna:
- Boeah oedani (= katjěkloek-tjěkloek, basa Djawa akar poentianak, Mai = oedani, Batawi). Eta boeah sok diseboet „tjěgoe" atawa „tjekloek". Keur ka boedak leutik mah 3 atawa 4 sikl teh geus meudjeuhna; keur boedak anoe geus gěde koedoe rada loba. Eta boeah koedoe didasarkeun.
- Koneng-tinggang salodjor diparoed, tjaina satengah tjatjangkir, dioeděk. Ingkeun kira² 2 djam, ti dinja disaring. Isoek² didasarkeun.
- Moengsi Arab 2 sendok gede pinoeh, diboentěl koe lamak, toeloej digodog tjaina 2 tjatjangkir, něpi ka tjaina ngan kari satengahna. Toeloej boentèlan moengsina didjait; ari tjaina těroes digodog, digoelaan koe goela kawoeng. Eta godogan moengsi tea koedoe didasarkeun, sarta isoekna koedoe nginoem kastroll.- 84 -
