- Ngala mangandeuh doea-tiloe dahan, koneng-tinggang 2 c.M.
(± 2 boekoe tjoeroek) djeung oejah saeutik; tjaina satengah botol limoenadě. Toeloej digodog něpi ka tjaina kari satengahna deui. Eta godogan koedoe didasarkeun.
Tjatjing pita.
- Keur kolot: 500 něpi ka 1000 siki waloeh, keur boedak sátengahna atawa sapěrtiloena ti dinja. Eta siki waloeh badena pisan koedoe didasarkeun; tapi anoe didaharna ngan eusina siki bae, djadi koedoe dipěsek heula. Heuleut doea djam ti měntas dahar siki waloeh, koedoe nginoem kastroli,
- Tjipati kalapa hedjo noe lěkoh saloemoer, didasarkeun salégnek těroes něpi ka beakna: boedak satengahna atawa sapertiloena.
k. TAMBA PATEK.
Noe sok kataradjang patek, lolobana oerang Priboemi, radjeun oge bangsa Tiong Hoa, tapi teu loba; ngan oerang Europa anoe samasakali tara kataradjang teh. Aja tambana anoe matih kabina-bina, nja eta anoe patek teh disoentik make „neo-salvarsan", koe sakali njoentik oge tjageur, toer teu karasa njeri.
Keur basa rame keneh pěrang mah hese pisan meunangna eta oebar, tapi ajeuna mimiti loba deui.
Kalawan pamoendoetna toean Hoofdinspecteur B. G. D. geus disadiaan doeit keur meuli eta salvarsan, pikeun njoba² ngabasmi panjakit anoe sakitoe njoesahkeunana, matak borok mangtahoen-tahoen, katoeroeg-toeroeg gěde katjida bahlana deui. Eta tjobaan lain keur nembongkeun kakoeatanana eta oebar, sabab ari kamindjoeranana mah poegoeh ge geus njata. Lamoen oerang nendjo matihna ieu soentikan, sanadjan ngan sakali oge geus tangtoe heran, sabab něpi ka kawas noe soelap bae: ajeuna disoentik, heuleut doea atawa tiloe poë. njeri dina dampal soekoe djeung kabeh patek teh leungit; antara 100 djělěma anoe disoentik, ngan oekoer aja saoerang anoe koedoe disoentik doea kali teh.
Tjobaan anoe diseboet di loehoer, maksoedna baris ngarobah atoeran anoe salah, nja eta pamarentah sok maparin eta oebar paratjoemah, teu pilih anoe beunghar atawa miskin. Ajeuna rek ditjoba koemaha kadjadianana lamoen somahan² koedoe malajar. ibarat meuli eta oebar. Sagala barang anoe rada hese diteanganana atawa koedoe kalawan dibeuli, biasana sok diadjian koe oerang, lain kitoe? Djeung deui pakeun di djělěma anoe taljan kapandjingan elmoe, tangtoe boga pikiran kieu: Eta barang beunang koe dipenta bae, henteu koedoe dibeuli, tangtoe eta barang teh euweuh pangadjina".
