Ieu kaca geus diuji baca
kloerat. Samemehna dipake koedoe dikoembah heuia sing běrěsih pisan, toeloej digoeloeng-goeloeng koe ramo, mambrih kaloear tjajna. Sanggeus kitoe toeloej ditaplokkeun kana raheut tea. Dina sapoë koedoe diganti tiloe kali.
- Ari raheut anoe teu djero hade dioebaran koe widara-oepas. Samemehna dioebaran, raheutna koedoe dikoembah heula sing běrěsih koe godogan patje sawit, hartina: patje, papagan djeung akarna tina tjangkoedoe satangkal. Sanggeus kitoe raheutna ditoetoep koe widara oepas beunang ngeureut ipis. Lamoen raheutna: djero, hade dioebaran koe ieu: njokot akar tanggoli bobot roepia 20 à 30, tjai sablek minjak tanah, toeloej digodog něpi ka kari ¾ na deui. Raheutna dikoembah koe eta godogan, sarta diketjeran deuih.
- Daoen bebesaran dileumpeuh, toeloej dioelasan minjak kalapa, digoeloeng-goeloeng koe ramo; geus kítoe ditaplokkeun kana raheut tea. Biasana eta raheut katjida tereh tjageurna. Tapi samemehna dioebaran, eta raheut koedoe dikoembah heula sing běrěsih pisan koe godogan akar tanggoli.
- Raheut lantaran kakadek sok tereh tjageur koe geutah gěbang. Samemehna dioebaran koedoe dikoembah heula masing běrěsih.
- Raheut anoe karasana panas djeung katjida njěrina, sok leungit njěrina koe senggang-tjoetjoek: daoenna dirleus sing lemboet, dioebarkeun. Daoen senggang-tjoetjoek bawana tiis.
- Seureuh oge dirieus, beunang koedoe dioebaran koe ieu, lamoen raheutna ateul. dipake oebar raheut Ateul.
Tjatjingeun.
Anoe sok tjatjingeun babakoena pisan boedak. Ari katjirina tjatjingeun: beuteungna boengkiang, boeoekna tjarĕngkat, boeloe-panonna rarapět djeung roeng getek.
Děmi oebarna:
- Boeah oedani (= katjěkloek-tjekloek, basa Djawa = akar poentianak, Mal. = oedani, Batawi). Eta boeah sok diseboet „tjěgoe" atawa „tjekloek". Keur ka boedak leutik mah 3 atawa 4 siki teh geus meudjeuhna; keur boedak anoe geus gěde koedoe rada loba. Eta boeah koedoe didasarkeun.
- Koneng-tinggang salodjor diparoed, tjaina satengah tjatjangkir, dioeděk. Ingkeun kira² 2 djam, ti dinja disaring. Isoek² didasarkeun.
- Moengsi Arab 2 sendok gede pínoeh, diboentěl koe lamak, toeloej digodog tjaina 2 tjatjangkir, nepi ka tjaina ngan kari satengahna. Toeloej boentělan moengsina didjait; ari tjaina téroes digodog, digoelaan koe goela kawoeng. Eta godogan moengsi tea koedoe didasarkeun, sarta isoekna koedoe nginoem kastroli.
