26. KAPERLOEAN DJOEROE-TANI.
a. MELAK KARET.
Ngoeroesna siki karet (hevea zaad).
- Siki karet anoe ngagolerna dina taneuh geus leuwih ti 24 djam. oelah dipoeloengan.
- Ngampihanana siki oelah ditěmbrakkeun bae, koedoe ditoeroeban, bisi garing, djeung oelah kapoë deuih.
- Sabisa-bisa, eta siki koedoe gantjang deděděr dena heuleuran noe bakoe.
- Oelah rek ngampihan siki karet atawa ngirimkeun, diwadahan koe kelěr anoe toeroeban atawa diwadahan koe kaleng anoe ditoetoep něpi ka rekep pisan.
- Lamoen rek ngirimkeun siki, koedoe diwadahan koe pěti anoe wěděl, ti djěrona dikěpoet koe kěrtas djepang atawa kertas boengkoes noe kasar.
- Dina waktoe rek dipětlanana, koedoe diawoeran arěng beunang noetoean atawa tapas beunang njatjag.
- Dina waktoe diasoepkeunana kana pěti tea, kěrtas panglampoedna djeung arěng atawa tapas tea, koedoe baseuh. Koedoe dihadja dikepretan koe tjal meueusan.
- Oepama meuli siki, koedoe milih noe asalna tina tangkalan noe sěgěr, koeat djeung sěděng kolotna, oelah noe ngora teuing.
- Binih karet anoe geus baris dipělakkeun, di pabinihanana, koedoe 5 něni ka 12 boelan.
- Děděran noe ngora keneh, dina tengah poë, koedoe diijoehan.
Mělakna.
Kěbon karet koedoe lenang, oelah aja djoedjoekoetan djaradi. Lamoen eta kěbon diběrěsihan saboelan doea kali, di oerang, di poelo Djawa, ongkosna dina sabaoe ƒ 15.
Dina njadapna koedoe ati2 katjida, nja eta koedoe didjaga pisan, soepaja sanggeus 4 tahoen, koelit teh běněr deul. Lamoen dina tangkal bidjil boengkoel, koedoe dipitjeun, ari dina tapak ngeureutna koedoe ditoetoep koe malam sarta těroes dioelasan koe tai sapi.
Děmi waktoena karet beunang disadap, nja eta di mana gědena tangkal, lěbah 1 M. saloehoereun taneuh, geus boga boeleudan 35-45 c.M.
Ari atoeran njadapna anoe ajeuna didjalankeun koe sarerea, njadap toehoer, hartina hěnteu make ditjaian deui; boh dina bak panandeanana, boh dina keureutanana, hěnteu aja noe
