Kaca:Volksalmanak Soenda XII, 1930.pdf/374

Sore poëk taja boelan,
rapang bentang tingkarětip,
poëk rějĕm-rějěm tjaang,
kahibaran tjahja langit,
njěbar rasaning gaib,
pěrbawaning lintang toedjoeh,
noe noeroenkeun bĕrkahna,
eundeur sakoeriling boengking,
koe heabna kasoetjian noe soeměbar.

Balebat tembong ngolebat,
njaangan oeroet pasini,
oeroet oerang tepang atma,
oeroet saniat sapikir,
basa masih ngahidji,
alam babarengan hiroep,
naratas padjamanan,
djeung njorang tjiptaning ati,
noe goemawang dina paningal wangwangan.

III
Asmarandana.

Robah mangsa ngalih moesim.
ganti djaman paalaman,
soemping peuting poëk mongkleng,
Ki Silah lali di mitra,
anak polo di bapa,
moerid teu ingět ka goeroe,
kalampat Kala Maloepa.

Korsi gading tjampěrěnik,
oeroet tjalik rerendengan,
oerang keur basa bareto,
leungit moesna teu katingal,
katoetoep karimboenan_
kakoeboer kěkěboel waktoe,
noe moentir taja kěndatna.

— 309 —