Kaca:Volksalmanak Soenda XII, 1930.pdf/373

Ka ditoe ka noe didjoegdjoeg,
koedoe mnělak bibit asih,
njieun geusan katrěsnaan,
di eta nagara těbih,
noe geus lawas goemawangna,
djadi panjileukan ati.

II
Sinom

Braj tjaang mimiti beurang,
oleng motah kapal koering,
nĕroes aloen neumbag ombak,
mapaj laoet biroe bĕrsih,
njatjas moen ditingali,
lajar kapal bodas měndoeng,
ngagĕntjlang di sagara,
mělěnong katĕbak angin,
sok kagagas moen emoet alam harita.

Kapal datang oeloek salam,
hoeloena njioem basisir,
ari ningal ka daratan,
soegri anoe katingali,
asri ngahoedang pikir,
goenoeng noe 'djaoeh ngalamoek,
sisi sagara rata,
karimboenan daoen kai,
hioer angin tinggaroepaj tingäroelang.

Lir koekoedoeng noe koemělab,
dina dada ipri geulis.
noe ngageugeuh pagoenoengan,
leuweung ganggong sirna djati,
kitoe tjiptaning ati,
tjoendoekna ka noe didjoegdjoeg,
harita ocrang těpang,
dina kalangkangna peuting,
kalamangsa peuting rek ngaroengkoep djagat.

— 308 —