Kaca:Volksalmanak Soenda XII, 1930.pdf/377

Koering ditoendoeng koe Lali,
beber lajar djait djangkar,
balajar ngelehan maneh,
ĕnggeus oenggah ka daratan,
lěsoe satoelang-toelang,
njampak di basisir soewoeng,
tjape taja beubeunangan.

Di hareupeun imah koering,
sagara ngampar ngajapak,
njaksian keur oerang amprok,
tapi teu boeka rasiah,
kitoe deui Logangga,
noe sok tjerewed teu gĕroeh,
hěnteu mědar lalakonna.

IV
Dangdanggoela

Gěntra andjeun ngeng kakoeping deui,
sanggeus meunang pirang-pirang djaman,
repeh teu lemek teu njarek,
ajeuna kĕrsa njaoer,
aja milik bět amprok deui,
ningal soroting netra,
anoe ngěmpoer hoeroeng,
raos koering henteu hilap,
sorot gaib basa patěpang mimiti,
di leuweung banawasa.

Leuweung ganggong si soeměněm djati,
tempat oerang ngedalkeun soebaja,
pasini rek misaderek,
nadjan geus ratoes tahoen,
dina pikir koering teu leungit,
katingal koemalangkang,
loeloeroeng kapoengkoer,
oeroet oerang reureujeungan,
masih aja noe njaresa wěling koering,
patilasan baheula.

― 310 ―